Дэрэнчүүд бүх үзүүлэлтээр илүүрхэж явна
Дээд лигийн 5-р тойргийн тоглолтууд өндөрлөж, өнөөдөр дараагийн тойрог эхэлж байна. Энэ тойрогт өрсөлдөгч байгийнхаа хаалганд 21 гоол оруулж, хаалгаа хуурай манасан Deren FC клубын залуус 4 хожил, 1 тэнцээтэйгээр 13 оноотой хүснэгтийг итгэл төгс тэргүүлж явна. Одоогоор цэнхэр цагаануудаас бусад бүх баг ялагдал хүлээгээд байгаа. Мөн гоолын дамжуулалтыг багийн ахлагч Орхоны Мөнх-Оргил 5 “пас”-аар манлайлж яваа бол Япон легионер Фүнами Ютаро нь Эрчимийн Гоү Котоүгийг хамтаар 12 гоолтой мөн л тэргүүн эгнээнд бичигдэж байна.
Шахуухан хуваарьтай болж байгаа лигийн тэмцээний 6-р тойргийн тоглолт өнөөдөр Фалконс-Төв Азарганууд багуудын тоглолтоор эхлэх юм. Онцлох тоглолтоор даваа гаригийн Дэрэн-Бишрэлт Хоромхон багуудын тоглолтыг нэрлэе. Мөнхийн учраа нар талбай дээр ямархуу өрсөлдөөнийг үзүүлэх бол?
