Нарангууд түрүү үзүүр булаалдав
Тэмүүлэл Дартс Мастерс клуб уламжлалт тэмцээнээ зохион байгуулж, шилдгүүдээ тодрууллаа. DARTBOARD-283 тэмцээнд 48 тамирчин өрсөлдсөнөөс Хулан клубын тамирчин Н.Наран-Адъяа шигшээ тоглолтонд Вилайв Монголиа ХХК-ийн тамирчин О.Бямбанаранг хожин түрүүлсэн бол хагас шигшээ тоглолтонд тэдэнд хожигдсон Тэмүүлэл Дартс Мастерс клубын дартсчин Б. Мөнх-Эрдэнэ, Энержи ресурс ХХК-ийн тамирчин Б.Болдбаяр нар шалгарсан байна. Хэсгийн нэг тоглолтонд авсан хамгийн өндөр оноог тамирчин Н.Наран-Адъяа авав. Тэрээр Ж.Мөнхбаатарыг хожихдоо 65.36 оноо дунджилжээ. Хаин хасагдах шатны шилдэг 16-д тамирчин Б. Мөнх-Эрдэнэ Б.Баясахгэрэлийг 72.73 дундажтай тоглон хожсон нь энэ тэмцээний хамгийн өндөр дундаж онооны үзүүлэлт болов.
