Хоёр үеийн төгсгөлийн гоолууд Хоромхон багт ялалтын 3 оноо авчирлаа
Дээд лиг. 8-р тойрог. Улирлын тоглолт-38. FC Ulaanbaatar 1 : 2 Хоромхон клуб Аль аль багт хожил ус агаар шиг хэрэгтэй. Тэр дундаа зочин багт бүүр чухал байлаа. Нийслэлээр овоглосон багийнхан хоёр л гадаад тоглогчийг гараанд гаргасан бол Бишрэлт Хоромхончууд 4 легионероо бүгдийг ашиглахаар шийджээ.
Эхний үеийн төгсгөлийн 45+ шүүгчийн мэдлийн цагт Хоромхоны Япон довтлогч #24 Сүдо Казухаг торгуулийн талбайд унагаж, шүүгч эргэлзэлгүй 11 м-ийн цохилт заав. Хаалгач зөв тааж үсэрсэн ч С.Казуха өөртөө итгэлтэй байж чадлаа. Тоо 1:0 болсноор энэ үе завсарласан.
2-р үеийн төгсгөлд мөн л эхний үеийн сүүлийнх шиг сонирхолтой агшнууд өрнөж, 87 дох минутанд Улаанбаатарын #3 Диэтрих Энзогийн алсын дамжуулалтаар багийн ахлагч #9 О.Мижиддорж хамгаалагчийг ганцхан дарж хууран гоолдсоноор тоог 1:1-ийн харьцаатай тэнцүүллээ.
Тэнцээний бөмбөгөөс 50-хан секундийн дараа цэнхэрүүдийн довтлогч #70 Сатторов Мироншох талбайн төвөөс бөмбөгийг хүлээн авч, тажигнатал туусаар айлын талбайг туулан, эцэст нь хаалгачийг зөрүүлж хаяснаар ойрд аваагүй ялалт, бүтэн 3 оноогоо багийн гол тоглогчН.Наранболд, Д.Төрбат нарыг эзгүйд хармаалцгаасан нь сайшаалтай.
Бүтэн тоглолт үзэх :
[embedyt] https://www.youtube.com/watch?v=QHha8UL1r5o[/embedyt]
Тоглолтын гэрэл зургаас
