Шүүгчийн мэдлийн цагт 3 гоол орсон гал гарсан галзуу тоглолт
Дээд лиг. 6-р тойрог. Улирлын тоглолт-28. FC Ulaanbaatar 3 : 3 Khovd FC Ховдчууд ямар ч багтай тун тэнцүүхэн тоглоод байгаа. Жаахан л аз дутаад байх шиг. Энэ удаад гадад тоглогчдоо тултал ашиглах нь. Лигийн аваргууд харин Монгол тоглогчдоо түлхүү талбайд гаргахаар болжээ.
Тэнцүүхэн багуудын өрсөлдөөн дүүрэн тоглолт үзэх ч гоё шүү. Энэ тоглолт тийм л тоглолтуудын нэг байлаа. Тоглолт эхлээд 7 минут өнгөрч байхад булангийн цохилтоос ирсэн бөмбөгийг #7 Амараагийн Дөлгөөн сэжиж мөргөөд тоглолтын салхийг хагалав. 33 дах минутанд зүүн талаар өрнөсөн довтолгоо Улаанбаатарчуудын талбайд гүзгий нэвтэрч хөндлөн дамжуулалтыг довтлогч #11 Кавагүши Юши монгол маягаар тэвэгдээд, хөнгөхөөн гоолдсоноор эхний хагас тэнцээгээр дуусав.
Тогллтын 2-р үе эхэлж, 9 минутийн дараа Улаанбаатар баг дахиад л өөрсөддөө давамгайлал бий болгов. Булангийн цохилтыг #14 Ота Шион чулуу болгосон. Хамгаалж байгаа багийн 5 хамгаалагч бие биендээ хэт найдсанаас цохилтыг хааж чадсангүй. Тоо 2:1. 89 дэх минутанд #18 Масахи Хондогийн зүүн хөлийн цохилтыг хаалгач #1 Э.Мөнх-Эрдэнэ хааснаар бөмбөг хаалганы шонгийн хажуухнаар өнгөрөв. За ингээд жинхэнэ алалцаан цаг дуусах үед болсон. Эхлээд #9 П.Энхбилэг 90 дэх минуттай зэрэгцэн тооны харьцааг тэнцүүллээ. Тэд булангийн цохилтыг дамжуулалт болгон, төв рүүгээ шилжүүлснээр энэ гоол орсон. Ингээд цаг дуусах нь уу гэтэл бас болоогүй байж. Шүүгчинй мэдлийн 90+4 минут үргэлжлэн улаануудын багийн ахлагч, довтлогч #9 Оюунбаатарын Мижиддорж эсрэг багаас бөмбөгийн салгаж, урагшаа туусаар 16-гийн талбайд орж ирэх үед #21 А.Эрдэмбилэг түүн дээр алдаа гаргаж унагасан. Талбайн шүүгч шууд л алдаа заалаа. Торгуулийн цохилтыг довтлогч#26 А.Тэмүүжин их тайван, бас оновчтой болгон, тэд дахиад л 3:2 гэсэн тэргүүллийг авч чадав. Шүүгчийн мэдлийн 90+7 дох минут. Япон тоглогч Масахи Хондо багийн андын ардаа үлдээсэн дамжуулалтыг чадварлаг цохисноор тоо 3:3 болж, 2 багийн нэгэн гайхалтай тоглолт тэнцээгээр өндөрлөлөө.
Бүтэн тоглолт үзэх :
Тоглолтын гэрэл зургаас
