Америк залуус дэлхийн чансааг тэргүүлж байна
Олон улсын сагсан бөмбөгийн холбоо/ФИБА/-ноос 19 хүртэлх насны залуучуудын эрэгтэй багуудын чансааг гаргажээ. Сагсан бөмбөгийн эх орон Америкчууд чансааг итгэл төгс тэргүүлж, Испани, Францчууд удаалсан бол ногоон тивийнхэн дөрөвт жагсаж, Серби, Турк, Литва, Итали, Канад, Германчууд эхний 10-т бичигдлээ. Харин эхний 20-д Бразил, Грек, Словени, Израиль, Пуэрто-Рико, Аргентин, Польш, Мали, Доминикан, Ираны багууд эрэмбэлэгдэв. Эдгээр багуудаас U18 ангиллын Европын аваргаас хүрэл медаль хүртсэн Германы баг хамгийн их үсрэлт хийн, 12 байраар урагшилж, Словенийн баг 3 байр ухарснаар Топ-10 багаас мултарчээ.
