Аргентинчуудын гайхалтай цувралыг зогсоов
“ДАШТ-2026” тэмцээний өмнөд Америкийн бүсийн тоглолтууд явагдсанаас энд 2 тоглолтыг онцолъё. Колумби 2:1 Бразил. Габриэль Мартинеллигийн гоол орсны дараа Луис Диас 2 гоолоор хариу барьж, талбайн эзэд маш чухал 3 оноогоо бүтэн авлаа. Уругвай 2:0 Аргентин. Дэлхийн аваргын алтан цомыг өргөснөөсөө хойш хожигдол гэдгийг үзээгүй явсан Аргентинчуудын гайхалтай цувралыг энэ хүргээд Уругтайчууд зогсоож чадав. Рональд Араужо, Дарвин Нунес нар багаа хожлын хаалга руу хөтөллөө. Бразил, Аргентиний шигшээ багууд хамгийн сүүлд 2015 оны 10-рсарын 9-ний өдөр хоёулаа нэг өдөр ялагдал хүлээж байжээ. Тоглолтын дараа дэлхийн з удаагийн аварга багийн ахлагч Лионель Месси хэвлэлийнхэнд өгсөн ярилцлагадаа “Бид ямар учраатай тулгарахаа сайн мэдэж байсан. Тэд эрчтэй, бие бялдар сайтай хурдтай тоглогчид олонтой. Тоглоход үнэхээр дарамттай, хүнд байсан. Ерөнхийдөө хожигдох ээлж манайд ирлээ. Ийм зүйл тохиолдож магадгүй гэж тооцож байсан. Одоо дахин өндийгөөд, Бразилын багтай сайхан тоглолт хийх цаг ирлээ. Энэ бол маш их түүхтэй, тэс ондоо тоглолт. Бид тэднийг хэн бэ гэдгийг үргэлж хүндэлж ёстой” гэж хэлжээ.
