ОНИБ-2 баг, Багануур салбарын Б.Эрдэнэчимэг нар боулингийн тэмцээнийг тэргүүлэв
ХААН банкны намрын спорт наадмын боулингийн тэмцээн UG Bowling төвд 3 төрлөөр болж, дүнгээ гаргалаа. Багийн төрөлд өрсөлдсөн 24 багаас ОНИБ-2/Багануур салбар/ багийнхан хоорондоо таарч, О.Сэргэлэнбат, Б.Эрдэнэчимэг нарын баг түрүүлж, Д.Шинэбаяр, Н.Батчимэг нарын баг үзүүрлэлээ. Харин хүрэл медалийн төлөөх тоглолт онц сонирхолтой өрнөн, тоглолтын дунд үе хүртэл оноо хол тасархай тэргүүлж явсан УБИБ Төвийн бүс салбар, Залуучуудынөргөн чөлөө-5041/Б.Мөнх-Эрдэнэ, Б.Урангуа/-ын багийн шидэлтүүд тааруухан болж, эсрэгээрээ Санхүү, захиргаа хариуцсан дэд захирал, ӨХГ баг/Т.Анхныбаяр, П.Бадмаараг/ тоглолтын сүүлийн хагаст гайхалтай эргэн ирэлтийг хийж, оноог барьсаар, гүйцэж түрүүлэн 257:244-ийн харьцаатай ялалт байгуулав.
Эрэгтэйчүүдийн ганцаарчилсан төрөлд өрсөлдсөн тамирчдаас Ч.Ганзориг/КГ/, Б.Баярбат/Булган салбар/, Н.Сумхүү/Багануур/ нар медальт байрт шалгарлаа.
Тамирчин Ч.Ганзориг
Эмэгтэйчүүдийн ганцаарчилсан төрөлд Б.Эрдэнэчимэг/Багануур салбар/ тогтвортой шидэж, жигд оноо авсаар энэ тэмцээнээс 2 алтан медаль авах болзлоо хангав. Мөнгө, хүрэл медалийн эздээр Б.Алтансувд/МТҮНГ/, Б.Золзаяа/Цахим банк-ҮНТ/ нар тодорсон байна.
