Хоёр мөнгөн медаль авсан чөлөөт бөхийн Азийн аваргын эхний өдрийн дэлгэрэнгүй мэдээлэл

Бөхийн төрлүүдийн Ази тивийн аварга шалгаруулах тэмцээн “Бишкек арена”-д Улаанбаатарын цагаар 13:00 цагт эхэллээ. Тэмцээнийг албан ёсоор шууд дамжуулах эрх авсан телевиз байхгүй ч холбооны зүгээс Монголын тамирчдынхаа барилдааныг пэйж хуудсаараа дамжуулан аль болох цаг алдалгүй үзүүлэхээр хичээн ажиллаж байна. Манай эмэгтэй тамирчдын хувьд олимпын 6 жингээс хоёрт нь эрхээ баталгаажуулсан. Тодруулбал өнгөрсөн оны Сербийн Белград хотноо болсон ДАШТ-ээс 50 кг-д ОУХМ Д.Отгонжаргал, 68 кг-д ОУХМ Э.Дэлгэрмаа нар тус тус мөнгөн медаль хүртсэн. Үлдсэн 4 жингийн эрхийг ААШТ-ий дараа энэ сарын 16-19-ний өдрүүдэд Кыргизстаны Бишкек хотноо болох Азийн олимпын эрхийн тэмцээн болон ирэх 5-р сарын 9-12-ны өдрүүдэд Туркийн Станбул хотноо болох дэлхийн тэмцээнүүдээс авах боломжтой юм.

Т.Тулга, Э.Бямбадорж нарын мөнгөн медалийн барилдаан   Барилдааны бүтэн бичлэг үзэх

Шууд дамжуулалт-4   Тэмцээний бүтэн бичлэг үзэх

Шууд дамжуулалт-3   Тэмцээний бүтэн бичлэг үзэх

Шууд дамжуулалт-1   Тэмцээний бүтэн бичлэг үзэх

Шууд дамжуулалт-2   Тэмцээний бүтэн бичлэг үзэх

Тэмцээний лайвыг Монгол Улсын гавъяат дасгалжуулагч Б.Баттулга, сэтгүүлч Б.Онон нар хүргэж байна.

Гэрэл зургийг Д.Нямбилэг, Д.Байгаль, З.Жамбалсүрэн

Эрэгтэйчүүдийн 65 кг. МУГТ Т.Тулга 1/8-д Оно Масаносуке/Япон/-г цэвэр яллаа. 1/4 Шөвгийн 8-д Хьён Сон Хан/БНАСАУ/-тай барилдан, 3:0-ийн харьцаатай илүүрхсэнээр хэсгийн аваргын төлөө буюу мөнгөн медалийн төлөө хүч үзэхээр шалгарсан. Тэрээр эхлээд өрсөлдөгчөө торгуульж, эхний оноогоо авч, 1-р үеийн цаг дуусахтай зэрэгцэн дараагийн оноогоо авсан бол шийдвэрлэх үеийн төгсгөлд өрсөлдөгчөө мөн л дахин шахаж түрэн дэвжээнээс гарган, ялалтаа баталгаажуулав. Удалгүй Энэтхэгийн бөх Рохиттой хийгүй, нягт барилдааныг үзүүлснээр өрсөлдөгчдөө оноо алдалгүй ялан, Ираны бөх, ДАШТ-ий алт, мөнгө, хүрэл медальт Рахман Амузад Халилтэй алтан медалийн төлөө барилдахаар болсон. Өмнө нь 2 бөх 2 удаа таарч байсан. Энэ удаад хайнаа хагалах чухал барилдааныг дэвжээнээ хийж, Ираны тамирчин 1-р үед 2 оноо эхэлж аван, 2-р үед манай бөх торгуулийн 1 оноо салгаснаар 2:1-ийн харьцаатай хожигдсоноор тивийн аваргын мөнгөн медаль хүртэв.

Алтан медалийн төлөөх барилдаан   Барилдааны бүтэн бичлэг үзэх

Эрэгтэйчүүдийн 57 кг. “Белград-2022” ДАШТ-ий хүрэл медальт, ОУХМ З.Занабазар 8:2  Мухамед Билал/Пакистан/-ыг ялсан ч БНАСАУ-ын бөх Кум Хёок Кимд 5:0-ээр хожигдлоо.

Эрэгтэйчүүдийн 79 кг. ОУХМ Э.Бямбадорж Казахстаны Азамат Омуржановыг 12:7, Японы Рюносүкэ Камияг 5:3-аар тус тус хожин, хагас шигшээд Узбекстаны Хасанов 10:0-ээр оноогоор цэвэр хожсоноор аваргын төлөө барилдахаар гараад ирлээ, ирлээ. Ингээд үдээс хойш болсон шигшээ барилдаанд Ираны бөхөд 2:12-оор ялагдан, мөнгөн медалийн эзэн болов.

Алтан медалийн төлөөх барилдаан   Барилдааны бүтэн бичлэг үзэх

Эрэгтэйчүүдийн 97 кг. ОУХМ Ө.Батзул Ираны бөх Мохаммадхоссейн Мохаммадианд оноогоор цэвэр ялагдав.

Эрэгтэйчүүдийн 70 кг. ОУХМ Ч.Чинзориг 0:8 Кулдашев/Узбекстан/