Вьетнамын хөл бөмбөгчид Япончуудыг сандаргав
Азийн цом-2024. Тэмцээний шилдэг 24 багийн хэсгийн тоглолтын 1-р тойрог эхэллээ. D хэсгийн Япон-БНСВУ-ын шигшээ багуудын тоглолтыг энд онцоллоо. Тоглолт эхлэнгүүт Т.Минамино гоолдсон ч Вьетнамчуудын улангассан довтолгоо үр дүнгээ өгч, тоглолтын 16 ба 33 дах минутанд тэд бүүр илүү гарч чадав. Наад булангаас хойшоо мөргөсөн мөргөлт бол бас л эвгүй ёндоотой гоол байлаа. Дэлхийн дэвжээнд, дэлхийн аваргуудыг хожоод үзчихсэн самурайнууд удалгүй тоглолтынхоо хэмнэлд орцгоож, эхний үе дуусахаас өмнө өнөөх л Т.Минамино тоог тэнцүүлж, үеийн төгсгөлийн нэмэлт цагт К.Накамура, 2-р үеийн дуусахаас 5 минутийн өмнө А.Уеда тус бүр хаалгыг мялааснаар 4:2-оор эхний ялалтаа авлаа. Яая тэр 3 дах гоол! Хаалганы дээд булан руу доторлож цохисон бөмбөг бол үнэн классик байв.
