Гавъяат тамирчин Э.Бэхбаяр Загребын дэвжээнд аваргаллаа

Бөхийн чөлөөт барилдааны ДАШТ-ий хошой хүрэл медальт, Азийн наадмын аварга, МУГТ Эрдэнэбатын Бэхбаяр Хорватын нийслэлд болсон “Zagreb Open-2024” тэмцээний их шөвөгт Пуэрто-Рикогийн бөх Жозеф Сильваг 11:4 гэсэн оноогоор, хагас шигшээд Азербайжаны Алиаббас Рзазадэг 5:0-ээр тус тус илүүрхэн ялав. Аваргын алтан медалийн төлөө Украины тамирчин Андрей Жэлепийг 9:2-ын харьцаатай оноогоор итгэл төгс ялснаар тэмцээний алтан медалийн тавцанд гарч, Монгол эх орныхоо нэрийг цуурайтууллаа.