Дэлхийн хошой аварга буурь заан хожил авав
Мэргэжлийн Дартсын Корпораци/PDC/-ийн мэргэжлийн тамирчдын Дэлхийн аварга шалгаруулах тэмцээний 2 дох өдрийн тоглолтын тоймыг та бүхэндээ хүргэе. Үдээс өмнөх тоглолт ерөнхийдөө нутгийн дартсчидын тайлан тоглолт болж өнгөрөв. Ли Эванс, К.Скутт нар 3:0-ээр эхний даваанд өрсөлдөгчдөө буулган авсан бол дэлхийн чансааны 11 Д.Чисналл өчигдөр хожил аваад байсан Шотландын К.Мензисийг 3:1 гэсэн харьцаатай хожсоноор шилдэг 32-т шалгарав. Харин АНУ-ын тамирчин Ван Дүнген Австралийн шидэгч Д.Пенхоллд ялагдал хүлээн, онгоцны тийз захиалахад хүрэв. Энэ өдрийн үдээс хойших тоглолтонд Английн Ж.Хьюгес Канадын Д.Камероныг, Ирландын К.Барри Филиппиний Р.Ривераг, Их Британы уугуул С.Уилльямс Японы Н.Мурамацуг тус бүр 3:1-ээр ялснаар Ази тивийн 3 тамирчин тэмцээнээ дуусгалаа. Энэ үдшийн оргил тоглолт мэдээж дэлхийд хоёронтоо нэр алдраа цуурайтуулсан дэлхийн чансааны 21-д бичигдсэн 52 настай Шотланд эр Г.Андерсоны өчигдөрхөн ялалтаа тэмдэглэсэн дэлхийн чансааны 43 ногоон тивийн тамирчин 54 настай С.Витлок нарын тоглолт байв. Хашир аварга өрсөлдөгчдөө боломж өгсөнгүй анхны ялалтаа авснаар М.Смит, Д.Чисналл нарын араас шатаар өгслөө.
Тэмцээний 2 дох өдрийн онцлох агшин Бичлэг үзэх
Тэмцээний 2 дох өдрийн үдээс хойших тоглолтын тойм
[embedyt] https://www.youtube.com/watch?v=7NZWLK9DX7w[/embedyt]
Тэмцээний 2 дох өдрийн үдээс өмнөх тоглолтын тойм
[embedyt] https://www.youtube.com/watch?v=HzQCXMB8jWo[/embedyt]
