Аваргууд аваргуудаа буулгаж авав
Дээд лиг. 2-р тойрог. Тоглолт-9. Хангарьд 0 : 2 Улаанбаатар. Энэ тойргийн сүүлийн 2 тоглолтонд лигийн тэмцээнд аваргалж байсан багууд хоорондоо таарснаараа онцлогтой. Эрдэнэтээр овоглосон баг гарааны бүрэлдэхүүнд бүх легионероо гаргасан бол нийслэлийн баг 2 гадаад тоглогчоо талбайд илгээжээ.
Тоглолтын 73 дах минут. #3 Диэтрих Энзогийн зүүн жигүүр рүү өгсөн алсын дамжуулалтыг довтлогч #24 Э.Өнөр-Эрдэнэ хүлээн авч, хөндлөн дамжуулалт болгосноор #14 Ота Шион зүүн хөлөөрөө хүчтэй гуядаж бөмбөгийг оруулав. Алсын дамжуулалт отон тоглолт байсан эсэх нь шууд дамжуулалтын бичлэг дээр тодорхой харагдсангүй. Шүүгчийн мэдлийн 90+4 минутанд дахиад л зүүн жигүүрээр аюултай довтолгоон явж, сэлгээгээр орж ирсэн У.Тэмүлэн тоглолтын эцсийн цэгийг баттайхан тавилаа.
Тоглолт шууд үзэх :
Тоглолтын гэрэл зургаас
