Минтонетт Говь багийн залуус 5 үе үргэлжилсэн хүнд тоглолтонд цойлон түрүүлэв

“Гэрэл нэмье” Влейболын залуучуудын УАШТ-2024 тэмцээний шигшээ тоглолтууд нийслэлл хотын төв спортын ордонд хөл хөдөлгөөн, дуу шуугиан, ууухай түрлэг ихтэй болж өндөрлөлөө. Эрэгтэй багуудаас аваргын алтан медалийн төлөөх тоглолтонд Минтонетт Говь болон Натур Бакс-1 багууд шалгаран үлдэж, залуус 5 үе үргэлжилсэн супер тоглолтыг үзэгч олноо толилуулав. Эхний үед Говийнхон илүүрхсэн бол дараагийн үеийг 26:24-өөр Баксууд авч, тоог тэнцүүлэн улмаар 3-р үеийг ч тэд хожлоор дуусган илүү гарсан байна. 4-р үеийн тун хариуцлагатай тоглолтыг Минтонетт багийнхан чамбайхан гүйцэтгэж тоог тэнцүүлж чадсан. Ингээд волейболын спортын хамгийн гоё, үзэгчдийн хүсэн хүлээдэг 5 дах үеийн тоглолт гарахаар болов. Тоо 13:12 байхад #9 Тэмүүлэнгийн давуулсан бөмбөгийг Натур багийнхан хүлээж авч довтолсон ч төдийлөн амжилтанд хүрсэнгүй, харин цагаан улаанууд бөмбөгийг хаалтаас гаргаснаар ус агаар шиг хэрэгтэй байсан оноог салган, тоо 14:12 болох нь тэр. Шийдвэрлэх байж болох давуулалтыг Натурынхан хамгаалж, #19 Батмөнхийн Амар хүчтэй цохилтоор оноог ойртууллаа. Самбарын тоо 14:13. Б.Амарын үсрэлтээ давуулалтын дараа ёстой нэг адармаатай, драмтай тоглолт үргэлжилсний эцэс #3 Гэндэндарамын цагаа олсон хаалт өрсөлдөгч багийнхаа тэмцлийн галыг үгүй хийж, багтаа хожлын, ялалтын оноо авчрав. Таван үе үргэлжилж, фанатуудыг тухтай суулгаагүй тоглолт ийнхүү өндөрлөж, Минтонетт Говь баг аваргын алдарт хүрч чадлаа.  Спортын сэтгүүлч Н.Тамир

Минтонетт Говь 3 : 2 /25 : 18, 24 : 26, 20 : 25, 25 : 23, 15 : 13/ Natur Bucks 1   Тоглолтын бүтэн бичлэг үзэх

Шигшээ тоглолт. Гэрэл зургийг Dooko_Photography MVA-2024