Мэргэжлийн дартсын топ тамирчдын чансаа
PDC буюу Мэргэжлийн Дартсын Корпорацийн ДАШТ-ий дараа тоглогчдын чансааны эрэмбийг шинэхэн дэлхийн аварга Луке Хамфрьес өнгөлж, Майкл ван Гервен, Майкл Смит нар удаалж байна. Хамгийн их үсрэлт хийсэн тамирчин бол мэдээж дэлхийн отгон дэд аварга Луке Литтлер 133 байр урагшилж, топ 31-д орж ирэв. Дэлхийд анх удаагаа шөвгөрсөн Скотт Уилльямс 22 байраар ахиснаар түүний өмнө бичигдээд байна. Бусад тоглогчдын хувьд шилжилт хөдөлгөөн багавтар урагшаа +3, хойшоо -6 гэсэн үзүүлэлттэй явна. хамгийн их ухралт хийсэн нь 6 байраар хойш суусан дэлхийн хошой аварга Гари Андерсон. Харин MVG, “Мөсний хүн”, Дэнни Нопперт, Жони Клейтон, де Соуза, Брэндон Долан нарын 9 шидэгч огт байрнаасаа хөдөлсөнгүй.
