Тор шатаан онцгойрч, тоогүй тоглон хожигдсон ч хэсгээсээ шалгарлаа
Сингапур-2024. FIBA 3×3 Asian Cup тэмцээнд оролцож байгаа манай эмэгтэй баг үндсэн хэсгийн эхний тоглолтоо Малайзын шигшээ багтай хийж, ёстой л нөгөө залуусын хэлдгээр тор шатаан, 21:4 гэсэн оноогоор илт давуу анхны хожлоо авлаа. О.Хулангийн тэгш тоглолт, хурдтай оролтууд, М.Цэрэнлхамын найдвартай хамгаалалт, хаалт болон Ө.Индрагийн холын шидэлт, Ариунцэцэгийн торгуулийн шидэлт бие биенээ маш сайн нөхөж чадав.
М.Цэрэнлхамын янзтай хаалт Бичлэг үзэх
Бүтэн тоглолтын бичлэг үзэх :
[embedyt] https://www.youtube.com/watch?v=f3gRvlieYCk[/embedyt]
Монголын баг хэсгийн дараагийн тоглолт буюу хэсгээсээ хэн тэргүүлэх эсэхээ шийдэх тоглолтоо Филиппиний шигээ багтай хийв. Тоглолтын эхнээс өрсөлдөгч багийн Жонсоны шидэлтүүд аюул тарьж, багийнхаа 7 онооны тавыг аван багаа тэргүүлсээр тэд 8:19 гэсэн харьцаатай чухал хожил авав. Ингэснээр манай баг хэсгээсээ дэд байраар шалгаран, шөвгийн наймд мөнхийн өрсөлдөгч БНХАУ-ын шигшээ багтай тулахаар оноолт таарчээ. Гэхдээ урд хөршийн баг өмнөх жилүүдтэй харьцуулахад цоо шинэ бүрэлдэхүүнээр оролцож байгаа тул манайд боломж хангалттай бий л гэсэн үг. Тоглолт болж өгдөггүй, шидэлтүүд нь унаж өгдөггүй нэг тийм өдөр байдаг даа. Тэр нь л өнөөдөр таарлаа. Манай эмэгтэй баг 2013 онд тивийн тэмцээнээс анхны бөгөөд цор ганц мөнгөн медаль авч байсан түүхэн амжилтаа энэ удаад ихэрлүүлэх зорилготой явсан нь нууц биш. Нэг өдөр сайхан амарч, сэргэлт аваад, ням гаригт үзүүлээд өг, охидууд аа.
Бүтэн тоглолтын бичлэг үзэх :
[embedyt] https://www.youtube.com/watch?v=39vQ1OPc3eI[/embedyt]
