Тунгалагийн Санчир Азийн аваргуудын лигт тоглоно

Дээд лигийн 8 удаагийн аварга Хасын Хүлэгүүд баг өөрийн цахим хуудсандаа ийм албан ёсны мэдээлэл гаргажээ. “Хоёр багийн хооронд тохиролцсоны үндсэн дээр Налайх Бизон сагсан бөмбөгийн багийн тоглогч Т.Санчирыг Basketball Champions League Asia qualifiers тэмцээний хүрээнд Хасын Хүлэгүүд багийн нэрийн өмнөөс зээлээр тоглох тохиролцоог хийлээ. Тохиролцоог нааштайгаар хүлээн авч шийдвэрлэсэн Налайх Бизон багийн удирдлагуудад талархсанаа илэрхийлье. Энэхүү соёл нь цаашид Монголын сагсан бөмбөгт хэвшинэ гэдэгт итгэлтэй байна. Т.Санчир нь 2014-2020 оны хооронд тус багт хүчин зүтгэхдээ 3 Аварга, 2 мөнгөн медаль, 2 MVP хүртсэн амжилттай Хүлэг билээ. Олон улсын тавцанд эргэн нэгдэж, өрсөлдөхөөр болсон Т.Санчиртаа амжилт хүсье” гэжээ.