Улаанбаатар клуб айлын талбайгаас чухал хожил авлаа
Өнгөрсөн улирлын Дээд лигийн аварга Улаанбаатар клуб Азийн хөл бөмбөгийн холбооны цомын тэмцээний “I” хэсэгт 3 дах тоглолтоо Макаогийн “Чао Пак Кей”-тай хийж, айлын талбайгаас тун чухал 3 оноо авснаар 2 хожил, 1 хожигдол 6 оноотойгоор хүснэгтийн дэд байрт бичигдэж, Тайванийн “Тайчун Футуро” клубын баг 9 оноотой тэргүүлж байна. Тоглолтын цорын ганц гоолыг манай багийн довтлогч О.Мижиддорж тоглолтын 41 дэх минутанд булангийн цохилтоос ирсэн бөмбөгийг мөргөж оруулснаар багтаа ялалт авчирлаа. Хэсгийн дараагийн тоглолт 11-р сарын 9 нд МХБХ-ны талбайд манай баг Макаогийн өрсөлдөгчөө хүлээж авна. Тоглолтын тойм үзэх
