Хурдан сэтгэ, сийрэг бай, боломжийг бүү алд
“Зууны шидэлт” гэж нэрлэгдсэн зураг. Германы Мюнхен хотноо 1972 оны Олимпийн ХХ наадам болсон. ХБНГУ-ын явагдсан юм. Бөхийн сонгомол бөхийн барилдаанд Германы бөх Вилфрид Дитрих /118 кг/, АНУ-ын бөх Крис Тейлор /201 кг/-ыг давуулж шидэх шийдсэн мэх хийж, ялсан байдаг. Яг үнэн худал нь батлагдаагүй ч энэ барилдааны тухай ам дамжсан сонирхолтой яриаг сонирхуулья. АНУ-ын бөх Дэн Гэйбл, Крис Тейлор нар олимпийн тосгоноор алхаж явахад тэдний өөдөөс чөлөөт болон сонгомог барилдаанаар олимпийн 5 медаль хүртсэн Германы В.Дитрих ирж явахыг харав.Бөхчүүд явган хүний зам дээр халз таарахад К.Тейлор эелдэг зангаараа Дитрихтэй гар барих гээд гараа өгөхөд Дитрих гараа дээш өргөөд “Өө яахав, яахав” гээд урагш нэг алхаж, Тэйлорыг маш дотноор тэвэрчээ. Харин Дитрих Тейлортай барилдан бодож төлөвлөсөн ганган мэхээр ялсныхаа дараа түүнээс “Та 200 кг жинтэй хүнийг өөр дээгүүрээ шидэж чадна гэдэгтээ итгэлтэй байсан уу?” гэж асуухад тэрээр хариуд нь “Би чадна гэдгээ мэдэж байсан ч гараараа бүтэн тэвэрч чадна гэдэгтээ итгэлгүй байсан. Барилдаан болохын өмнө гадаа тааралдахдаа гар барилгүй түүнийг чанга тэвэрсэн. Түүнийг тэврэхэд миний гар ар нурууг нь бүрэн тойрч барьц хүрч байсан нь надад шидэж чадах юм байна гэдгийг ойлгуулсан. Нэг ёсондоо бүрэн итгэлтэй болсон” гэжээ. Тэйлор аварга том биетэй, лагс бөх. Энэ бол боломжийг хэзээ ч бүү алд, байнга сэрэмжтэй байх тухай гайхамшигтай сургамж юм.
