Хурдтай Т.Харди Дархан Юнайтед багтайгаа улирлын нээлтийн тоглолтонд хожил авав
МСБХ-ны Үндэсний Дээд Лигийн 1-р тойрог. Тоглолт-1. BCH Knights 81 : 85 Darkhan United 30 жилийн баялаг түүхтэй дээд лигийн шинэ улирлын тоглолт ийнхүү эхэллээ. Эхний тоглолтонд нэрээ сольсон Гарьдууд Дархан Юнайтед багтай учраа таарсан. Лигийн аварга, шигшээ тоглолтын MVP шагналын эзэн Пендарвис Уиллиамс цоо шинэхэн өмсгөлтэйгээр талбайд гарч ирэв. Тоглолтын эхнээс Дарханчууд маш цэгцтэй тоглолтыг үзүүлсээр эхний үед тэд 50:34-өөр илүүрхлээ. Тоглолтын тойм
Легионер тоглогчдоос гадна драфтын 2 дох сонголт М.Ивээлт сэлгээнээс гарч ирээд 8 оноог авч, самбарт идэвхтэй байж, болж л өгвөл бөмбөгт ямар нэг байдлаар хүрч, том тэмцээний, мөн мэргэжлийн тамирчны гараагаа тун дажгүй эхлүүлснийг онцолж байна. Энэ үед BCH-ийнхэн үнэхээр тааруухан тоглоцгоов. Яваандаа онооны зөрүү 17+ болсон ч лигийн аваргууд бага багаар оноог ойртуулж чадсан. Багийн ахлагч О.Эрдэнэцогт 25, А.Тэмүүжин 20 оноо авсан ч тоглолтын төгсгөлийг найрамдлын хотын залуус сийрэг тавьснаар чансаа өндөртэй багийг чамбайхан тоглолтоор буулган авав. Тай Хардигийн шидэлт, довтолгоо үнэхээр ганган байж, 30 оноо, 10 самбар, 5 бөмбөг таслалтаар багаа тэргүүлэв. Бичлэг үзэх
Яриа М.Ивээлт Бичлэг үзэх Тоглолтын дараах Хэвлэлийн хурлын бичлэг
Эх сурвалж : The League – Үндэсний Дээд Лиг
