ЖЕМ Дээд лигийн тойргийн тоглолт өндөрлөж, хагас шигшээ тоглолт эхлэв
МШТХ-ны ЖЕМ дээд лигийн хагас шигшээгийн эхний тоглолтууд Төмөрт-Өргөө 5:1 Бласт/Тэнгис, Өсөх зоос 5:4 Жем гэсэн харьцаагаар хожилцлоо. Хагас шигшээ тоглолтын 2 дах цуврал тоглолтонд эхний тоглолтонд хожигдсон Жем болон Бласт/Тэнгис багууд хожвол 3 дах тоглолт гарна. Харин 2:0 болбол аваргын төлөө болон 3-р байрын төлөө тоглох багуудын нэрс тодорно.
2-р тойргийн сүүлчийн тоглолтонд Төмөрт-Өргөө, Жем, Өсөх зоос багууд шигшээд шалгарах нь тодорхой байсан бол Бласт/Тэнгис-Хаан даатгал багуудын хооронд шигшээ тоглолтонд шалгарахын төлөөх ширүүн өрсөлдөөн өрнөв. Эхний тойрогт Бласт/Тэнгис баг 5:4-ийн харьцаатай хожсон бөгөөд Хаан даатгал багийн хувьд энэ тойрогт илүү хожлоор
/6:3, 7:2/ хожиж байж л хагас шигшээ тоглолтод шалгарах байлаа. Гэвч тэд 5:4-ийн харьцаагаар хожиж, 2 тойргийн хожлын оноо тэнцэн, оноо тоолоход Бласт&Тэнгис баг 5/49, Хаандаатгал 5/47 оноо авсан үзүүлэлтээр Бласт/Тэнгис баг хагас шигшээд шалгарсан байна. Хэрэв сүүлчийн тойрогт Хаан даатгал баг 6:3-аар хожсон бол зөвхөн 2 багийн тоглосон хожлоор дүн гарах байлаа. Ийнхүү 2 тойргийн нийлбэр дүнгээр Төмөрт-Өргөө, Жем, Өсөх зоос, Бласт/Тэнгис багууд хагас шигшээ тоглолтонд шалгаран үлдэв. Эдгээр 4 баг 1-4 ба 2-3 гэсэн оноолтоор хоорондоо 2 удаа тоглож, хожсон багууд аваргын төлөө, хожигдсон багууд 3-р байрын төлөө тоглох эрхтэй болох юм.
