Манай залууст Японы багийг хожих боломж байсан
Улаанбаатар хотноо зохион байгуулагдаж буй “FIBA 3×3 U23 World Cup-2024” тэмцээнд Монголын шигшээ баг А.Азбаяр, Г.Болор-Эрдэнэ, Л.Авирмэд, С.Биндэръяа нарын бүрэлдэхүүнтэй оролцож байгаа. Тэд хэсгийн хоёр дох тоглолтоо Бениний шигшээ багтай хийж, 21:12 гэсэн хол онооны зөрүүгээр анхны ялалтаа авлаа. Манай залуус бүх байрлалд илүү тоглосон ч Африкын баг тоглолтын дунд үе хүртэл оноог нэг их холдуулалгүй барьж тоглосон. Гэхдээ сүүл рүүгээ яах арагаүй үнэнд гүйцэгдэв. Азаа хүү самбарт азаргалж, бусад тоглогчид жигд тоглон, үүргээ үндсэндээ сайн биелүүлцгээлээ. Одоо хэсгийн үлдсэн маш чухал 2 тоглолт бий. Өнөөдөр 16:45 цагаас Нидерландтай, 19:10 цагаас БНХАУ-ын багтай тус тус тоглох хуваарьтай. Хоёуланг нь хожвол хэсгээсээ баараггүй гарна. Аль нэгэнд нь ялагдвал хасагдах шатанд шалгарах боломж бараг л үгүй болов уу.
