Өнөөдөр Монголын үндэсний шигшээ багийн тоглолттой өдөр
Монгол Улсын сагсан бөмбөгийн үндэсний шигшээ баг “FIBA Asia Cup-2025 Qualifiers” тэмцээний хэсгийн ээлжит тоглолтоо өнөөдөр Улаанбаатарын цагаар 17:00 цагт Япон улсын Точиги мужийн Үцүномияа хотод Японы шигшээ багийн эсрэг хийнэ. Нутаг дээрээ Монгол улсын шигшээ багийг хүлээн авч тоглох Япон улсын шигшээ багийн бүрэлдэхүүнд Парисын олимпийн наадамд шигшээ багийнхаа хамтаар оролцсон Макото Хиэжима/6/, Юки Тогаши/2/, Жош Хоквинсон/24/, Хиротака Ёши/91/, Кай Тойвс/7/, Хью Ватанабе/34/ нарын шилдэг тоглогчид багтжээ. Манай өрсөлдөгчид 2023 оны ДАШТ-нд 5 тоглолт хийж, 3 хожил, 2 хожигдолтойгоор 32 багаас 19-р байрт эрэмбэлэгдсэн юм. Мөн “Парис 2024” зуны 33-р олимпын наадамд ч амжилттай оролцоцгоосон.
Японы шигшээ багийн ахлах дасгалжуулагчаар АНУ-ын иргэн Том Ховассе ажиллаж байгаа. Япончууд одоогоор 2025 оны ААШТ-ий урьдчилсан шатны “С” хэсгийг ганц ч хожигдоогүй, тэргүүлж байна.
Монголын шигшээ баг өргөтгөсөн бүрэлдэхүүнээсээ дараах тамирчдыг сонгож, ерөнхийдөө гарааны 5 тоглогчоо ч зарласан. Тэд Японы шигшээ багтай талбай дээр хэрхэн тоглох бол? Эх орныхоо нэрийг өндөрт өргөж яваа залуустаа спортын өрнүүн их амжилт хүсье.
Шигшээ багийн UG Arena дах сүүлийн бэлтгэлийн гэрэл зургаас
Шигшээ багийн өргөтгөсөн бүрэлдэхүүн
