Өсвөрийн дартсчид багийн төрлөөр дэлхийн аваргын шилдэг наймд шалгарав
Дартсын өсвөрийн ДАШТ-ий эхний хасагдах шатанд өрсөлдсөн 16 багаас хамгийн өндөр дундаж оноог Монголын шигшээ баг авсан байна. Манай тамирчид Нидерландын А багийг 4:2-оор буулган авснаар шөвгийн наймд Английн А багтай тоглохоор болсон. Кас Маессен, Кэнжи Штайнбах нар ганцаарчилсан төрөлд хожсоноор улбар шарууд 2:1-ээр тэргүүлж эхэлсэн. М.Тэлмэн ганцаарчилсан төрөлд Брэдли ван дер Велдингийг хожсоноор ерөнхий харьцаа 2:2-оор тэнцэв. Удалгүй Баянмөнхийн Хулан, Өнөрчимэгийн Цэрэнханд нар хосын төрөлд Маессен, Штайнбах нарыг, Хүрэлхүүгийн Тэргэл, Майдарын Тэлмэн нар Ван дер Велдин, Дилан ван Лиероп нарыг тус тус ялснаар Монголын баг шилдэг 8 багт шалгарсан. Бусад тоглолтын дүнгээс сонирхуулбал : Англи А 4:0 Шинэ Зеланд, Англи В 4:0 Хойд Ирланд, Шотланд А 4:1 Бельги А, Ирланд 4:3 Герман А, Ирланд В 4:1 Гибралтар, Испани 4:3 Герман В. Ингээд шөвгийн наймд : Монгол-Англи А, Шотланд А-Испани, Ирланд А-Шотланд Б, Ирланд В-Англи В тоглохоор болов.
Дэлхийн аварга цолоо хамгаалж буй Английн А баг Монголын багуудын тоглолт удаан, бас хурц өрсөлдөөн дүүрэн өрнөв. Англичуудаас эхний ганцаарчилсан төрөлд Люк Литтлер хожил авсан бол Х.Тэргэл, М.Тэлмэн нар ганцаарчилсан тулаандаа ялалт байгуулснаар 2:1-ээр тэргүүлж эхлэв. Дараа нь Женсон Уолкер онооны харьцааг тэнцүүлж, улмаар Литтлертэй хамт Б.Хулан, Ө.Цэрэнханд нарыг хосын тоглолтонд яллаа. Харин Х.Тэргэл, М.Тэлмэн нар хариуд нь Льюис Белл, Томас Бэнкс нарыг нам хожиж, багтаа бас дахин боломж үүсгэв. Шийдвэрлэх 7 дох легт Монголын баг эхэлж шидэв. Английн Белл 100, Литтлер 102 оноо дараалан авснаар оноо салж, Английн А баг 4:3-аар ялав. Өсвөрийн тамирчид маань дартс өндөр хөгжсөн орнуудын багуудтай үнэхээр супер тоглолтыг үзүүлснийг зориуд тодотгоё. Ёстой нөгөө ялсан юм шиг ялагдал гэж үүнийг л хэлэх байх. Дараа жилийн багийн тэмцээнд ногт ганзагалж очих багийн тоонд Монголын баг зүй ёсорр нэрлэгдэв. Хагас шигшээд Англи A-Шотланд А, Шотланд Б-Ирланд Б багууд таарч тоглон, энэ жилийн Дэлхийн аварга багаар Шотландын А баг шалгарчээ.
М.Тэлмэнгийн тоглолтын бичлэг [embedyt] https://www.youtube.com/watch?v=5eYw1MZPXuk[/embedyt]
Б.Мөнх-Оргилын тоглолтын бичлэг [embedyt] https://www.youtube.com/watch?v=aKmzfYOodQ8[/embedyt]
