Өсвөрийн теннисчин А.Энхжин Малайзын тэмцээнээс хүрэл медаль авчээ
Теннисний 38 дах удаагийн “Penang Open International JRs’ Age Group Tennis Championship-2023” олон улсын хүүхдийн тэмцээнд манай өсвөрийн теннисчид амжилттай оролцлоо.
Малайзын Пенанг арал дээр болдог уламжлалт тэмцээнд манай өсвөрийн 8 теннисчид 5 хоногийн турш ганцаарчилсан болон дан хосын төрөлд өрсөлдсөнөөс 11-12 насны охидын ангиллын хосын төрөлд Дархан хотын тамирчин А.Энхжин Японы өсвөрийн теннисчинтэй хамтдаа хүрэл медаль хүртсэн сайхан амжилтыг үзүүллээ. Бусад хүүхдүүд ч ангилал тус бүртээ чамбай тоглолтыг үзүүлэн, өрсөлдөгч найз нараасаа их зүйлийг суран, Малайз Улсын үзэсгэлэнт газруудаар багаараа аялжээ.
