Супер 7 дох тоглолтын ялагч Бишрэлт Металл баг!

Лигийн тэмцээний плэй-оффын хагас шигшээ тоглолт-7 /4:3/ Бишрэлт Металл 87:75 IHC Апес 75 : 87   Тоглолтын тойм

I үе : Тоглолтын эхний 2 оноог Силла торгуулийн шидэлтээс авав. Залгуулаад Н.Ганбаатар 2, Н.Мөнхчөдөр 4 оноог түүлээ. Силла самбар доор 3 дах оролдлогоороо алдаа салгав. К.Уолкер 3, Чөдрөө 2 оноо авцгаалаа. Нөгөөх л Силла энэ удаад цагирагт хүчтэй тохож, Н.Мөнхчөдөр дахин 3 оноо, хариуд нь Уолкер сул оролтоороо оноогоо ахиулсан. Өмнө нь тэрээр багийн ахлагчдаа ганган дамжуулалт өгч харагдсан. Т.Ууганбаярын хагас эргэлттэй шидэлт бас л гоё л доо. Эхний үе 20:18.

II үе : Д.Дэлгэрням эхний 2 оноог салгав. Апесын заслоны 3 дах алдаа! А.Энхбаясгалан сэлгээнээс анхны 2 оноогоо авлаа. Өмнөх тоглолтын гол баатар Б.Тулуй эргэлттэй оролтоор өөрийн онооны хаалгаа нээв. Уокер уран чадварлаг тоглолтоороо, залгаад дамжуулалт таслан цагиригийг хашрааж, холоос шидэн, торгуулийн шидэлтээ төгс шидсэнээр 14 оноог ганцаараа авч чадлаа. Ингээд эхний хагаст оноо 38:38 тэнцэв.

III үе : Сүүлийн хагасын эхний оноог Уолкер авлаа. Н.Мөнхчөдөр, Н.Ганбаатар нар тус бүр 2+1 оноог түүлээ. Металлын алдаа 3. Өлзий-Орших 3:3 Бленд. Сайхан буудалцав. Т.Мэндбаяр гоё дамжуулалтаа алдчих юм. Мөнхчөдөр 3 оноо. 3/3! Ганбаатарыг самбарт зогсооход тун хэцүү байна. Тоглолтын сүүлийн 3 минут. Б.Тулуй Уолкерын дамжуулалтаар сул 2 оноо аваад, залгуулаад сайн хамгаалалтаар бөмбөгийг булаан, Уолкер оноогоо явуулсаар. Цаг дуусах мөчид Уугаа-Чөдрөө нарын хослол оноог 64:59 болголоо.

IV үе : Энхтөрийн өмнөх үед авсан гэмтэл нэлээн хүнд бололтой. Силла 2 торгуулиа алдаад, дараа нь хоёуланг нь хийв. Металлын алдаа 3. Силла дахиад алдаа салгалаа. Цаг дуусахад 7 минут үлджээ. Ууганбаярын 4 дэх алдаа. Энэ асуудал шүү. Силлагийн үсрэлт өндөртэй шидэлт амжилттай. Хариуг нь Өлзий-Орших холын шидэлтээр барьж, Тулуй, Уокер нар дараалан оноогоо нөхсөөр 3-хан онооны зөрүүтэй болголоо. Уугаагийн 3 оноо гайхалтай. Дахиад  2 торгуулийн шидэлт. Оноо 83:73. Цаг дуусахад 01:20. Ууганбаяр, Ууганбаяр ярих юм үнэндээ алга. Энэ удаагийн супер 7 дох тоглолтын ялагч нь Бишрэлт Металл байлаа. Тэд 2 жил дараалан Аваргын төлөө хүч үзнэ.