Толгойтныг сөхрүүлэн, тойгтныг бөхийлгөсөн агуу Магнус Карлсен

Царай муутай Викинг мангас, Кайсса бурханы эх дэлхий дээрх тусгал, толгойтныг сөхрүүлэн тойгтныг бөхийлгөсөн агуу Магнус Карлсен замналынхаа 116 дах, 2024 оны 8 дах цомоо нэр дээрээ сараачуулж байгаа харагдахымдаа…  Champions Chess Tour онлайн тэмцээний 4 дэх цуврал Julius Baer Generation Cup-2024 нанчилдааны финалд Альрэйза Фироузжа тун тэнцүүхэн уралцсан ч цаадах нь хэн билээ дээ. Хүний махан хүнстэй, хүрэл чулуун зүрхтэй Магнус юм хойно хойдохыг нь уншаад, чандрыг нь цацлаа. Өчдөр Фироузжа Магнустай төгсгөлийн хичээлээр ном хаялцсан. 10 мин+2 сек цагийн хяналттай, рапид 4 өрөг дөрвүүлээ төгсгөлд шилжсэн. Эхний 3 тоглолт тэмээний төгсгөлд шилжин, хэн нь ч бие биенээ цааш нь харуулж дачалгүй эвийн гэрээ байгуулсан. Тэмээний төгсгөлийн хичээлд унаагүй Фироузжа профэссор Магнусын хүнд бодны төгсгөлийн шалгалтанд бүдэрсэн. 4-р тавилд Магнус тэргээ сольж, бэрсний төгсгөлд шилжүүлээд, ноёнгоо Христофэр Колумб шиг дэвэн дэлхийгээр нэг зугтаалгаад Фироузжаг Утай Гүмбэн рүү явууллаа ээ арьбаяал…  Магнус одоогийн байдлаар энэ жилийн 8 тэмцээнд БОСС гэдгээ нутлан түрүүлээд байгаа ажгуу.