Хангарьдынхан 3 гоолтой, 3 оноотойгоор тоглолтыг ялалтаар өндөрлүүлэв
Дээд лиг. 5-р тойрог. Улирлын тоглолт-25. Хоромхон клуб 0 : 3 Khangarid FC Өгөө аваатай тоглолтуудын нэг гэж хөл бөмбөг сонирхогчид таамаглаж байв. Урд шугаманд хурдаараа аль багийнх нь хагас хамгаалагч, довтлогчид илүүрхэх бол?
Тоглолтын 38 дах минутанд Хангарьд багийн довтлогч #17 Машима Юта хамгаалагчдыг давуулж хаясан бөмбөгийг хүлээн авч, энэ тоглолтын салхийг хагаллаа. Харин эхний үеийн сүүлчийн хоромд 45+3 минутанд #11 Г.Гантогтох Хоромхоны хаалганы өмнөх бужигнаан дундаас гоолдсоноор тоо 2:0 болж, 1-р үе завсарлав.
Шийдвэрлэх үеийн төгсгөлд эхний үеийн нэгэн адилаар Хангарьдууд давамгайлсан. Талбайн төвөөс уралдуулж хаясан бөмбөгийн төлөөх ойрын зайн гүйлтэнд тэд илүүрхэн, 90+3 минутанд 2 довтлогч хаалгачийн эсрэг сугарч гарснаар Б.Дөлгөөн багийнхаа 3 дах гоолын эзнээр тодорлоо.
Бүтэн тоглолт үзэх :
[embedyt] https://www.youtube.com/watch?v=c1ngpF2bgFI[/embedyt]
Тоглолтын гэрэл зургаас
Ингээд 5-р тойргийн дараах байдлаар Дэрэнчүүд ганцаараа 13 оноотой хүснэгтийг тэргүүлж эхэлсэн бол тэдний араас 5 баг 9-10 оноотойгоор шил дарж явна. Хангарьдчууд маш чухал хожил авснаар мөн энэхүү тэргүүлж буй багуудад багтаж чадав.
