Кевин Дюрантын баг гал ноцоолоо
Финикс Санс-Лос-Анжелес багуудын тоглолтын гол баатар нь К.Дюрант байлаа. 22 оноо, 5 самбар, 7 дамжуулалт, 2 блок түүний талбайн үзүүлэлт. Мөн Юсуф Нуркич 18 оноо, 22 самбар! 7 дамжуулалт гэсэн аймаар тоглолтыг толилуулав. Дээр нь Ройс О Нилийн 20 оноо, 10 самбар, 4 дамжуулалт, дундын 7/12, холын 6/10 гэсэн шидэлтийг нэмэхээр хожихоос өөр яахав. Гэхдээ шарууд 3-р үеийн төгсгөлд 92:90 болгож тоог ойртуулж чадсан ч тоглолтын төгсгөлөө тааруу хийж, 123:113-аар ялагдал хүлээв. Тэд залгаад дөрвөн ч хүнд тоглолттой. Плэй-Ин байрлалын төлөөх өрсөлдөөн хатуу байх чинь ээ.
