Магнус бол тэнгэрийн гэсгээл
Тойгтныг бөхийлгөж, толгойтныг сөхрүүлэх хувь тавиланг атган төрсөн МАГНУС КАРЛСЕН. Хэдхэн хоногийн өмнө Самаркандад өндөрлөсөн 2023 оны “РАПИД&БЛИЦ тоглолтын дэлхийн аварга шалгаруулах тэмцээн”-д сурсан юмыг сууцан ур чадварыг сураар даанч боож хааж болдоггүйг дахин нэг сануулж, Магнус давхар цохилт хийн, хос цомтой гэр рүүгээ ниссэн. Тэрээр 2014, 2019, 2022, 2023 онуудад хуугийн нь хаман, Рапид, Блиц 2 төрөлд хоёуланд нь түрүүлсэн зөвхөн бурхдын л хийж чадах тийм сүрдэм амжилтыг толилуулчихаад буй АГУУ АМЬТАН. СТАНДАРТ ТОГЛОЛТЫН ДЭЛХИЙН АВАРГА : 2013, 2014, 2016, 2018, 2021. РАПИД ТОГЛОЛТЫН ДЭЛХИЙН АВАРГА : 2014, 2015, 2019,2022, 2023. БЛИЦ ТОГЛОЛТЫН ДЭЛХИЙН АВАРГА : 2009, 2014, 2017, 2018, 2019, 2022, 2023. Нийтдээ Стандарт, Рапид, Блиц төрөлд 17 удаа аваргын цомыг одоогийн байдлаар өргөчихөөд байна.
Ямар их сүр хүч, ямар их ааглуу чанар вэ? Стандарт, Рапид, Блиц ямар ч цагийн хяналтанд хамгийн зөв шийдвэрүүдийг гарган, хамгийн бага нүдэнд үл харагдам алдаа хийн, туулайн чинээ давууг уулын чинээ болгон ялалтанд хүргэдэг нь түүний давуу тал юм. Мөн хар өнгөөр маш өндөр хувьтай ялалт байгуулдаг нь энэ суут амжилттай нь холбоотой. Өөрөөсөө өөр хүнтэй өрсөлдөхөө байгаад удаж байна даа Магнус.
Эх сурвалж : Харуул Харуул
