Мичнүүд Д.Стөүний эзэрхийллийг зогсоов
Үндэсний дээд лийн 1-р тойргийн тоглолт. Zavkhan Brothers 85 : 88 SG Apes Тоглолтын хуваарийг харахад л хоёр багийн тоглолтын өрсөлдөөн нүдэнд харагдаад ирсэн. Тоглолтын тойм Улбар шарууд өмнөх тоглолтоос цаг сунган байж амттайхан хожил авсан. Тэдний тоглолт үргэлж л бүгдийн анхаарлын төвд байдаг бол залуухан бүрэлдэхүүнтэй Отгонтэнгэр хайрханы сахиус энэ улирлад ямар ч онцгой тоглолт үзүүлж магадгүй битүү морьд гэлтэй байгаа. Тоглолтын эхэнд хар өмсгөлтөнгүүд нэг мэдсэн 20:9 гээд илүүрхээд эхэлсэн. Энэ багийн гол ноён нуруу Даймонд Стөүн гэж нэг тийм эзэрхэг, хэгжүүн нөхөр байнаа. Эхний тоглолтдоо 41 оноо, 11 самбар бүртгүүлсэн, тоглолтын эхний хагаст 27 оноо, 8 самбар, 45%-ийн довтолгооны гүйцэтгэл гээд үнэхээр айхтар тоглогч юм.
Дээр нь багийнх нь залуусын холын шидэлтүүд жигд, бэлтгэл сайн л байна. Гэхдээ тэд талбайд бүрэн ойлголцож чадаагүй. Харин эсрэг талд Апесчууд багийн ойлголцол гэдгийг талбайн бүх хэсэгт утгаар нь харуулцгаав. Бичлэг үзэх Мөн залуу тоглогч Алтанчимэгийн Ган-Эрдэнэ хуучин багтаа ирээд, амархаан эв зүйгээ олоод эхэлсэн харагдав. Бичлэг үзэх Энэ удаад олон зүйл нуршихыг хүсэхгүй байна. Хоёр багийн бүх тоглогчид хийх ёстойгоо л хийцгээлээ. Ах дүүсийн багийн Мөнхтөрийн Баасандорж 12 оноогоор багтаа нэмэр болсон ч тоглолтын төгсгөлд хэрэггүй, шаардлагагүй жижиг сажиг үйлдлээсээ болж, багаа нэлээн шарж орхисон. Оноо нэг, хоёроор өмнө хойноо орсон цаг дуусах эгзэгтэй мөчид бичнүүд илүү хэрсүү, илүү туршлага заан оноогоо бага багаар ахиулж, эцэст нь Туулын Мэндбаяр эсрэг багийн довтолгоог өөрийн мэдрэмжтэй үйлдлээрээ таслан зогсоож, багтаа баараггүй хожлыг авчрав. Бичлэг үзэх Түүнд тамирчин хүнд ззавал байх ёстой тоглолтыг унших чадвар, гоё мэдрэмж байдаг. Жишээ нь гэхэд энэ дамжуулалтын л та бүхэн нэг харчихаарай. Бичлэг үзэх
Тоглолтын дараах Хэвлэлийн хурлын бичлэг Тоглолтын шилдгээр шалгарсан Энхбаатарын Мөнхбаярын сэтгэгдэл Бичлэг үзэх
Тоймыг Спортын сэтгүүлч Н.Тамир
Тоглолтын гэрэл зургаас The League – Үндэсний Дээд Лиг
Тоглолтын гэрэл зургаас SG Apes
