Т.Ууганбаярын гайхалтай шидэлт багтаа чухал ялалт авчрав
Лигийн тэмцээний хагас шигшээ цуврал тоглолт-3 /1:2/ IHC Апес 86:88 Бишрэлт Металл. Тоглолт эхлэнгүүт А.Смит торгуулын 2 шидэлтээ амжиллтай гүйцэтгэснээр онооны салхийг нээж, удалгүй М.Өлзий-Орших эсрэг багийн дамжуулалтыг таслан, залгаад Н.Ганбаатар самбар доороос бөмбөгийг өөрийн болгож оноо аван, Тулуй 3 онооны шидэлтээ унагаснаар оноо нэлээн салсан. Харин багийн ахлагч өөрөө сэлгээнд сууя гэж дасгалжуулагчид хандав. Энэнээс хойш Металлчуудын хамгаалалт, сөрөг довтолгоо, шидэлтүүд ээлж дараалан амжилттай болж, тэд 17:3 гэсэн эрэгн ирэлтийг хийсэн. 2-р үеийн дунд үеэс Апесын тоглолт сэргэн, тоог ойртуулж чадав. Эхний хагасын цаг дуусахтай зэрэгцэн Н.Ганбаатар багтаа 2 оноо нэмэрлэж амжив. 3-р үе эхлээд бичнүүд 12:2 гэж эхлүүлэв. А.Смитийн холын шидэлт тоог 50:49 болголоо. Оноо олон ч удаа тэнцсээр К.Уолкерын торгуулийн шидэлтийн дараа тоо 61:60. Цаг дуусах мөчид Ж.Блэнд тоог 63:61 болгож орхидоо. Шийдвэрлэх 4-р үед Металл оноо илүү явсаар. Апес оноогоо нөхсөөр, багийн ахлагч М.Өлзий-Орших цаг дуусахад 10 секунд дутуу байхад оролтоо төгс хийж, тоог 86:86 болгон тэнцүүлэв. Сүүлчийн довтолгоо үргэлжилж, самбарын бужигнаан дундаас ирсэн бөмбөгийг Т.Ууганбаяр амжиж шидсэнээр багтаа ус агаар шиг хэрэгтэй хожлыг авчирлаа. Хоёр багийн тоглолт үзэгчдийг уулга алдуулсан, олны талархлыг хүлэээсэн үнэхээр ганган тоглолт болов. Нөгөө талаараа шигшээ багийн холбогч нарын дуэлийг бид үзэж сонирхлоо.
М.Өлзий-Оршихын тэнцүүлсэн оролт Бичлэг үзэх
Т.Ууганбаярын хожлын баззер Бичлэг үзэх
Шидэлтийн дараах яриа Бичлэг үзэх
Тоглолтын дараах Хэвлэлийн хурлын бичлэг
