Түрүү үзүүрийн багуудын чансаа огцом өсчээ
Саяхан өндөрлөсөн Азийн цомын тэмцээнд түрүүлсэн Катар, үзүүрлэсэн Йорданы шигшээ багуудын чансаа огцом хурдтай дээшилсэн байна. Аваргууд 21, дэд аваргууд 17 байраар чансаагаа ахиулсан бол Азийн эхний 15 багаас Бахрейнчууд 4 байраар мөн урагшилжээ. Одоогоор урьдын адил Японы шигшээ баг 1614 оноогоор тивийн чансааг тэргүүлсэн хэвээр үлдэв. Иран, БНСУ, Австраличууд тэдний араас нэхсээр. Харин Хятад 9, Оман 6, Арабын нэгдсэн Эмират 5 байраар тус тус хойшоо ухралт хийлээ.
