Хүснэгтийг тэргүүлэгчдийн онооны зөрүү улам холдов

Премьер лигийн 14-р тойргийн тоглолт. Булган СП Фалконс 1:0 Дэрэн. Хүснэгтийн нэг болон хоёрдугаар байрт бичигдэж буй 2 багийн хоорондын тун сонирхолтой тоглолт. 18 дах минутанд бразил легионер Владемир Эвертон нэгэн гоёмсог гоол оруулсан нь хожлынх байж таарав. Тэр эсрэг багийнхаа 16-гийн талбайд жинхэнэ самба бүжиг хийлээ. “Дэрэн”-гийн залуус шүглийн эцсийн дуу хүртэл тоог тэнцүүлэхээр зүтгэсэн ч “Фалконс”-ын хатуу хамгаалалтыг сэтэлж чадсангүй. Шонхорууд 1:0-ээр хожсоноор хоорондын зөрүү 14 оноо болон улам холдож байна. 14 тоглолтонд  13 хожиж, нэг тэнцсэн гайхалтай амжилттай яваагийн зэрэгцээ 12 дах тоглолтондоо хаалгаа хуурай маналаа. Тэргүүлэгчид дараагийн тойрогт “Хаан Хүнс-Эрчим”-тэй тоглох бол “Дэрэн”-чүүд “Баварианс”-тай тулна.