Шилдэг дартсчин шинэ машинаа хөлөглөн гэртээ харина
New Star Darts Club “Шинэ-Од” дартсын клубээс анх удаагаа зохион байгуулж байгаа автомашины шагналын сантай “Newstar and New car” тэмцээний сонгон шалгаруулалтууд олон өдрийн турш үргэлжилж, тэмцээний 2-р шатны тоглолтууд амжилттай зохион байгуулагдсанаар шилдэг 8 тамирчин супер шагналын төлөө өрсөлдөхөд бэлэн болоод байна. Өнөөдөр 18:00 цагт Үндэсний соёл амралтын хүрээлэн/хуучнаар Хүүхдийн парк/-д байрлах Red Rock Castle-д шигшээ тоглолтууд явагдана. Азтай, одтой, бэлтгэлтэй, сэтгэл зүй сайтай шилдгийн шилдэг нэг тамирчин шагналын шинэхэн төмөр хүлгийн түлхүүр гардан авна. Үзүүштэй ганган өрсөлдөөнийг үзүүлэх Монголын дартсын спортын шилдгүүддээ амжилтын дээдийг хүсье.
Шилдэг 8 тамирчны оноолт :
М.Алтантүлхүүр/ОУХМ/-UB group LLC, Шинэ-Од клуб
С.Энхболд/СДМ/, Шинэ -Од клуб
Л.Ганзориг/1-р зэрэг/, Тэмүүлэл дартс мастерс клуб
Т.Пүрэвлоов/ОУХМ/, Ачмаг наран ХХК, Тэмүүлэл дартс мастерс клуб
Б.Баярсайхан/1-р зэрэг/, Тэмүүлэл дартс мастерс клуб
Х.Одхүү/ОУХМ/, Нетком клуб
С.Гантулга/1-р зэрэг/, Мандал хангайн наран ХХК, Өндөрхаан илч ХХК, Хаан дартс клуб
Б.Болдбаатар/СМ/, МИГ ДААТГАЛ ХХК, Хулан клуб
Шилдэг 8 тамирчин/Тэмүүлэл Дартс Мастер клуб-3, Шинэ-Од клуб-2, Нетсом клуб-1, Хулан клуб-1, Хаан Дартс клуб-1/ шалгарч үлджээ. Мөн Монгол Улсын 3 аварга буйр заан шалгарч, М.Алтантүлхүүр, Б.Болдбаатар нар 80+ дундаж оноотой тоглон, хасагдах шатны тоглолтод С.Гантулга 91.79 дунджаар тэргүүлж, 22 тамирчин 70+ үзүүлэлт үзүүлсэн өндөр чансаатай тэмцээн болж байна.
Тэмцээний 2-р шатны дүн, үзүүлэлтүүд :
