Шинэ одын Т.Батболд мастерын дундаж оноо онцгой өндөр байна
“Тэмүүлэл Дартс Мастерс” клуын DARTBOARD-233 тэмцээнд 48 тамирчин өрсөлдсөнөөс Шинэ-Од клубын тамирчин Т.Батболд шигшээ тоглолтонд 80,48 дундаж оноогоор Нэт Ком клубын залуу тамирчин М.Тэлмэнг хожсоноор энэ тэмцээний сүүлийн 2 цувралд дараалан түрүүлсэн бол Шинэ-Од клубын Г.Цолмонбаяр, MGL клубын Ш.Ганзориг нарын туршлага дүүрэн дартсчид 3-р байрт шалгарчээ. М.Тэлмэн хэсгийн тоглолтонд ОУХМ О.Пүрэвсүрэнтэй тоглохдоо 96,00 дундажтай, 2 тоглолтонд 86,45 дундажтай гайхалтай шидэлтийг гүйцэтгэв. Мөн Шинэ-Од клубын тамирчин, ОУХМ М.Алтантүлхүүр, Т.Батболд нар хэсгийн 1 тоглолтонд, улсын хошой аварга Б.Болдбаатар мастер хасагдах эхний шатны тоглолтонд яг адилхан 88,41 дундажтай хуурай хожил авсан нь сонирхолтой үзүүлэлт байлаа.
